Région Midi-Pyrénées

Ostal Joan Bodon a Crespinh dins Avairon

Installée dans la maison du romancier Jean Boudou disparu en 1975, cette structure vient d’ouvrir ses portes au public.

A l’encòp musèu e centre cultural, a per tòca de valorizar la cultura occitana a l’entorn de l’òbra d’un de sos escrivans mai famoses. Per sa situacion geografica, Crespinh se tròba al còr d’Occitània. Es aquí ont nasquèt Joan Bodon en 1920. La comuna crompèt lo vaissèl de la bòrda de l’ostal natal e l’adobèt en partenariat ambe la Region, la comunautat de comunas del Naucelés e lo Conselh General. Botat en scèna per B. Cauhapé, aquò’s una escorreguda ludica e susprenenta dins l’òbra de Joan Bodon prepausada al visitaire. Una passejada de doblidar pas entre bòrnas interactivas, vidèos, mariòtas, creacions de plasticians, fòtos, musica, efèits sonòres… a la descobèrta d’una creacion literària remirabla.
Per Guilhèm Latrubesse, conselhièr regional delegat a la cultura occitana  : « L’Ostal Joan Bodon capita de desvelar l’autor en lo plaçant dins son environa e balha un imatge modèrne, positiu, contemporanèu de l’occitan. Nos fa descobrir tota la diversitat qu’èra Joan Bodon. Escriviá en occitan, tot simplament pr’amor qu’èra la lenga de la siá maire, e es per aquela lenga que se pensava lo mond. « Aquel jorn, sabi que vendrà  » çò escriviá, l’Ostal Joan Bodon i nos convida. La region tanben ». Al programa de las animacions d’aqueste estiu : Eric Fraj lo 26 de julhet, Fial de Lana lo 5 d’agost, conferéncia d’Alem Surre Garcia lo 26 d’agost, nuèits « cinemà al canton » los 18 e 19 de setembre ambe Crestian Pèire Bedel)

Plus d’infos : ojb12@laposte.net
Tél. : 05 65 42 16 53