Passatz vòstre diplòma de competéncia en lenga occitana (DCL)
Primièr diplòma d’Estat en lenga occitana per adults, lo diplòma de competéncia en lenga (DCL) es estat creat en 2011. Atèsta d’un nivèl de practica segon l’escala europèa per las lengas. Per passar lo DCL, inscrivètz-vos en linha abans lo 11 de març de 2012.
Estudiatz l’occitan en cors setmanièr, estagi intensiu, per correspondéncia o via internet ?
Coneissètz ja l’occitan e desiratz far valer vòstra competéncia en tant qu’ensenhaire, formator de cors per adults, personal non ensenhant de las escòlas bilingüas o per tota autra amira professionala ?
Dins totes aqueles cases, sètz en condicion de passar vòstre diplòma de competéncia en lenga occitana (DCL). L’interés : aquesir una certificacion oficiala segon los critèris del quadre europèu per las lengas. Lo DCL existissiá ja per l’alemand, l’anglés, l’espanhòl e l’italian, en 2011 es estat creat per l’arab, lo breton, lo chinés, lo portugués, lo rus, lo francés e l’occitan. Lo DCL certifica la competéncia en lenga de comunicacion dins un usatge social o professional.
Dins l’encastre de sa politica per favorizar la transmission de l’occitan, la Region pren en carga 80% dels fraisses d’inscripcion dels candidats residents en Miègjorn-Pirenèus que son activitat professionala permet de formar de locutors novèls.
Per ne saber mai :
Telecargatz la plaqueta de presentacion en francés
Telecargatz la plaqueta de presentacion en occitan
Véser lo sit ministerial del DCL
Cossà s’inscriure ?
L’inscripcion es obligatòria sul sit del DCL abant lo 11 de març de 2012.
L’examèn se debana lo 1èr de junh de 2012 a Tolosa e Milhau.
Formacion lingüistica : consultatz http://www.aprenemloccitan.com/
Formacion a l’examèn DCL :
Greta Tolosa 05 61 77 26 76
e Greta Sud-Avairon 05 65 61 46 00
Contacte (per mai d’informacion) : Direccion dels examèns e concorses : dec5@ac-toulouse.fr 05 61 17 71 21
